Galegolandia


Olladas con sorna, olladas con enfado, olladas ao exterior, olladas ao interior, olladas escépticas, olladas esperanzadoras, olladas que fan pensar, olladas para esquecer; olladas interrogantes; olladas declarativas; olladas exclamativas; olladas ao ar; olladas desde a terra; olladas de resignación; olladas de resistencia; olladas que non entenden; olladas que non se explican. Porque os “chascarrillos” son moitos e non todo vai ser perder falantes...

30.4.08

Bovinófilos


O carro xa atopou xugada e xa ten quen o guíe... Non pasa desapercibido, e por iso é noticia, que a estas alturas aínda se fagan traballos de temática máis propia dos setenta e oitenta. Queda no aire saber cal é o número exacto de académicos "amigos da vaca".

29.4.08

Titular fácil


Buscar o titular polo titular non é o camiño... porque algún malintencionado podería retrucar que nunca A Mesa estivo tan ben como está agora.

Con todo, o 18 de maio todos á manifa!!!

28.4.08

Alegriaaaaaa


O tradutor petou!!! petou o tradutor!!!!!!

23.4.08

UTSL


No ámbito da administración e contratación administrativa unha UTE é unha unión temporal de empresas que se unen para realizaren unha obra ou prestar un servizo determinado. Pois ben, no caso das linguas xa temos algo semellante, algo así como unha UTSL (unión temporal de servizos lingüísticos): desde Vigo e estendendose coma o aceite por unha folla de papel, distintas institucións, concellarías e servizos únense para faceren o que non fai quen corresponde (a Consellaría de Educación): promover e defender da infamia e a necidade o decreto do ensino.

18.4.08

Vaia xoia!!


No debate do galego dos medios e as subvencións que esta semana foi protagonista, habería que ir introducindo o tema da difusión ou non de xoias coma a que hoxe nos obsequia o Faro.

Algúns chamaranlle censura, este moucho chámalle decencia.

17.4.08

Feble resposta


O artigo en si non está mal, mais vaise quedar nisto só a resposta do Goberno galego? No fondo, parece unha especie de "veña, ho, sexamos amigos e levémonos ben!!".

Sabedes dalgures onde se venda a contundencia e as verdades coma puños?

12.4.08

Ai Manuela, Manuela

O que non sabe Manolita, porque non dá para máis, é que para ser un bo docente haberá que comezar por se saber expresar correctamente. Pero claro que imos esperar dos políticos, que son un bo exemplo de pésima competencia comunicativa resultado dunha ruinceira competencia lingüística...

Por certo, desde a Consellaría teñen pensado defender esta medida ou tamén a van deixar co cu ao aire como están a facer co decreto do ensino???

10.4.08

Había unha vez...

Isto de que lle chamen Gabi á mascota paréceme fantástico... todo un exemplo de enxeño e de mestría na creación de acrónimos. Non era Gabi aquel que polos oitenta berraba aquilo de "Como están vostedes?" Pois nada xa sabemos onde está o circo e os pallasos dúas décadas despois.


6.4.08

Ai Quin, Quin...




Está ben falar de "sedución e convicción", mais a comparación do galego cunha nai de 82 anos, con párkinson e inmóbil... sen comentarios
Sen comentarios tamén a frase «En calquera pobo de Galicia os nenos crecen e aprenden castelán, só faltaría. Nun pobo cunha galescola seguirán aprendendo castelán e falando castelán. A diferenza é que nun pobo con galescola damos un pasiño máis para que os nenos aprendan tamén o galego, que é o noso idioma»

5.4.08

Mal, moi mal


Ás veces penso que se cometen demasiadas chapuzas nisto da lingua...