Galegolandia


Olladas con sorna, olladas con enfado, olladas ao exterior, olladas ao interior, olladas escépticas, olladas esperanzadoras, olladas que fan pensar, olladas para esquecer; olladas interrogantes; olladas declarativas; olladas exclamativas; olladas ao ar; olladas desde a terra; olladas de resignación; olladas de resistencia; olladas que non entenden; olladas que non se explican. Porque os “chascarrillos” son moitos e non todo vai ser perder falantes...

15.5.10

Escaneando as verdades

Vese que o que fai os PDF no Consultivo debeu coller días pola Ascensión, que non quedou outra que tirar de escáner.

Vía A Nosa Terra, xa hai lectura para a fin de semana.

13.5.10

Obsceno


O feito de se anunciar unicamente en castelán é obsceno. O lema escollido propio de ruíns.
O desmantelamento segue en marcha. O 17 todos á rúa!!! Hai motivos!!!

12.5.10

Mala conciencia



Primeiro foi en Estremadura co vídeo de enriba e agora, a través da miña correspondente en terras catalás, sei deste artigo de Quim Monzó sobre Andalucía.
En Galicia namentres nunca con tanta intensidade se empregara antes o recurso da proximidade do portugués para facernos valer diante dos negacionistas. Porén, unha nube de mala conciencia respecto ao tema semella estar latente.
"A historia que puido ser e non foi" dixera don Manuel.

2.5.10

Día da nai

Kando fervan as patacas
bota esa carne na pota

Estas son as mensaxes que mouchanai lle deixa a mouchopai mentres a primeira vai ás "clases de memoria". Xeración do 42, non se lle coñece Celga ningún. Escrito en galego, con orgullo, sen complexos (nos tempos que corren non é pouco) e un chisco de rebeldía ortográfica.