Galegolandia


Olladas con sorna, olladas con enfado, olladas ao exterior, olladas ao interior, olladas escépticas, olladas esperanzadoras, olladas que fan pensar, olladas para esquecer; olladas interrogantes; olladas declarativas; olladas exclamativas; olladas ao ar; olladas desde a terra; olladas de resignación; olladas de resistencia; olladas que non entenden; olladas que non se explican. Porque os “chascarrillos” son moitos e non todo vai ser perder falantes...

18.3.09

AtRAGoados

Se o volume non se distribuíu até despois das eleccións mal asunto, pero se está nas librarías desde xaneiro peor aínda. Que fixo a Academia en ambos os supostos? Nada.
Ninguén sabía dese volume, na mesma liña que xa pasara co anterior, por non falar das semellanzas no deseño e no título respecto do do ano 92 que o único que fai é engadirlle máis confusión ao asunto (vexáse a noticia inicial de Vieiros e mais o PDF que sinalan).
Por que non está na rede e si está o discurso de ingreso de Ledo Andión (datado o 6 de febreiro)? Claro que isto último si se entende á vista de que o volume que o precede estivo colgado inicialmente, mais acabaron por retiralo.
Que alguén da RAG saia a dar a cara e que se deixen de notas, que bastante nota xa dan moitos dos seus numerarios.

16.3.09

Indiola


Ao final foi máis un "mecaghindiola" que outra cousa, mais agora colleremos notiñas dixitais e tentaremos que non se nos escape detalle.

12.3.09

Cavilemos


Quintana dixit:


"E necesario ao mesmo tempo encauzar con cautela un novo posicionamento público
do BNG ante o proxecto de normalización lingüística sen abdicar un ápice dos nosos principios e
obxectivos pero aceptando con normalidade política o feito real dunha sociedade bilingüe e dun
corpo electora do BNG tamén bilingüe."


José Luís Gómez dixit: ¿También es bilingüe el BNG?


"El BNG, si se ve muy exigido, como diría Arsenio, terminará por tirar del castellano en algún momento del futuro."

Teñen miga ehh!! Se este moucho fose profesor universitario, encargaríalles aos alumnos un traballiño.

9.3.09

Novas xeracións


Sete días son moitos días para ficar calado, non son tan bos como para calar este moucho. Se até agora asexamos, con máis motivo desde xa haberá que se pór a fiscalizar. De momento mirade o que un se atopa buscando "novas xeracións" no Google. A que soa a pitorreo...

2.3.09

Deica


A derrota ten algo positivo, nunca é definitiva. A vitoria ten algo negativo, endexamais é definitiva (Saramago)