Galegolandia


Olladas con sorna, olladas con enfado, olladas ao exterior, olladas ao interior, olladas escépticas, olladas esperanzadoras, olladas que fan pensar, olladas para esquecer; olladas interrogantes; olladas declarativas; olladas exclamativas; olladas ao ar; olladas desde a terra; olladas de resignación; olladas de resistencia; olladas que non entenden; olladas que non se explican. Porque os “chascarrillos” son moitos e non todo vai ser perder falantes...

29.7.09

Maleducado


E nestas apareceu Manquiña, non se atreveu a ir á Quintana o día de autos, pero si lle concede unha entrevista impertinente a Xornal. O certo é que o de impertinente non foi tanto polas preguntas como polas respostas do tipo. Este home fala desde o rencor ou é un perfecto maleducado??

14.7.09

Reconto




O prometido é débeda e estas son as primeiras imaxes do reconto da enquisa de Educación.

13.7.09

O forno de Jesús Vázquez

Outra primicia máis d'omouchoasexante. Interneime esta finde nos arrevesados corredores de San Caetano, andei por riba, por baixo, atravesei vestíbulos e pasarelas, e cando xa ía marchar, cando xa se me facía tarde e xa estaba canso de voar agochándome das cámaras de seguridade, vin unha porta e escoitei un ruído que me chamou a atención. Atopábame nos baixos do edificio, alí onde só a CIG ten despachos.
Un Audi que lles quedou aceso e en punto morto? pensei... Non, non era o ruído dun coche, habería fume ademais... Entrei e alí estaba, en pleno funcionamento pero, iso si, a lume lento.






Mañá mostrareivos a primeira foto dun funcionario revisando nas enquisas.

2.7.09

Outra máis


Vese que aos socialistas vailles a marcha e nisto da lingua encántalles dar a nota. O si pero non de sempre. Debéronse asustar cando ao ver que o domingo pasado La Voz os puña por diante do BNG na defensa da lingua e agora hai que lavar a cara recibindo o circo de Gloria Lago.
Sinceramente xa non sei quen dá máis noxo!!