Galegolandia


Olladas con sorna, olladas con enfado, olladas ao exterior, olladas ao interior, olladas escépticas, olladas esperanzadoras, olladas que fan pensar, olladas para esquecer; olladas interrogantes; olladas declarativas; olladas exclamativas; olladas ao ar; olladas desde a terra; olladas de resignación; olladas de resistencia; olladas que non entenden; olladas que non se explican. Porque os “chascarrillos” son moitos e non todo vai ser perder falantes...

28.5.08

En que quedamos?



Ah que agora xa non corre perigo, que seica goza de moi boa saúde... seica esta xentiña recuperou o siso, a vergonza e a decencia dun golpe?. A mesma que posou para El Mundo hai ben pouco, agora parece recuar. Non, non nos deixemos enganar, no fondo o que fai é quitar a careta aínda máis, por eles o galego cocido e con patacas. Que é iso do plurilingüismo? parecen preguntarse, pisarlo!! pisarlo!!! los de colorao son los nuestros... que diría Bilardo.

25.5.08

Impartindo Celga


Ai cantas comuñóns escarallarían os ditosos Celga!!!

20.5.08

Dúbidas pos-festa


Pasou o día, pasou a romaría e este moucho non dixo ren, que un cumpre anos e vai perdendo o humor para estas lerias. Quedan dúbidas, sospeitas, interrogantes... velaquí unhas cantas.

- Cal foi a cifra exacta dos asistentes á manifestación? hai que entender que entre 8000 e 25000 estará o termo medio?
- Pódese estar na misa e repicando? pódese capar e asubiar ao mesmo tempo? por acción ou omisión non hai unha co-responsabilidade no BNG que ninguén parece querer ver?

- Facía falta irse a Bos Aires e facer o paripé cos emigrantes, mesturando o institucional co partidario, apelar á galeguidade e dicir que non hai conflito e que non enredemos coa lingua?

- Que se lles perdeu aos pepedegallos en Celanova para ir celebrar o Día das Letras e ir amolar ao bo de Curros? Que vergonza!

- Xa somos un país maduro como para que colectivos afíns se contramanifesten ou rebenten manifestacións uns aos outros? como para que se cuestionen e critiquen iniciativas como a de bloguespolalingua cuns criterios máis que discutibles?

- De que vai a Cadena Ser distorsionando a realidade da manifestación?

- Cando vai mercar A Mesa unha boa mesa de son para estes eventos?

Por certo, non se sabe nada de que as autoridades sanitarias intervisen ante a vaga de lingua azul do domingo. Aínda bo foi...

15.5.08

Studieren Sie oder arbeiten?


Ala, xa non hai escusa para non lle botar unha fala a esas peregrinas loiras e alemás que chegan a Galicia todos os anos!!

8.5.08

E ti como te chamas?


Agora que volven soar cambios de lle meter man á chamada Carta magna por aquilo de empoleirar ao trono a Leonor, de dar fe de que estamos en Europa, de facer do Senado unha verdadeira feira de mostras e traxes rexionais e de pór por escrito o nome de cada unha das 17, a nós os galegos cando nos pregunten que imos dicir? Como se chama isto? Como imos saír do paso? Imos encargar un asterisco? ou se cadra unha barra ou guión ao xeito Galicia-Galiza ou Galicia/Galiza?