Plash, plash!!!

Toma labazada en forma de sentenza!!!

Agora que podemos pedir para seguir mareando?? Ummm, que a materia de lingua galega a poñan despois de Plástica e antes que Educación Física os venres pola tarde?

Cachar nas patacas

Ai amigo iso pasa por tirar de hemeroteca e de aí esa cara de asustado. Verba volant, scripta manent que diría un clásico.

Claro que agora con isto das tecnoloxías tal dito xa non é o que era. Visitemos os vídeos do foro Sociedades plurilingües: da identidade á diversidade.

Lugar? Consello da Cultura.

Data? xuño do ano pasado.

Título: A sociolingüística en Galicia

Relator? Anxo Lorenzo.

Retrucantes? Kabatek e Rei-Doval.

Nun vídeo de máis de hora e media, contra o final, á pregunta de Fernando Ramallo acerca de por onde pasa o presente da lingua galega, o actual secretario xeral respondeu:

- dinamización lingüística a tope ou a fondo, nas cidades e nas non-cidades

-pacto ou consenso político e social para sacar o tema lingüístico do debate partidario.

Pero o máis interesante aínda está máis contra o final. Á pregunta dun catalán, cuxo nome non apreciei (Boix penso), sobre "Cual sería un ejemplo de política priorizable ahora mismo en la recuparación del gallego?" Anxo Lorenzo responde:

Non me deixas escapatoria, é dicir, que teño que contestala non? Vamos a ver, eu creo que o ensino é... temos un decreto, que é o 50%, novo. Eu creo que esa debería ser unha prioridade. Agora... que se aplique, si, si, de feito xa está aprobado, non habería que crear nova norma. Habería simplemente que aplicalo. Que se aplique, con rigor e con seriedade, e simplemente iso. [...] Eu creo que non ten sentido pensar en moitas normas, normas de diferente tipo... máis xerais ou específicas, cantas menos normas mellor. Evidentemente, postos a elixir unha que, ademais xa está en vigor e que cremos que terá un efecto importante a medio prazo, agora xa non, sería a cuestión do ensino non-universitario.

Demo de novas tecnoloxías!!!