Volta atrás

Anos reclamando que a política lingüística neste país non fose exclusiva das lindes de Educación e agora que xa o temos resulta que se reclama crear unha subdirección xeral no ensino. Ou sexa unha especie de marcha atrás, co embrague a medio premer, sen forzar moito o motor e sen armar moito barullo.

O que está claro é que a engranaxe da PL non está fina: o anterior modelo era insuficiente e fracasou; o actual non está plenamente potenciado, é igual de insuficiente e nin convence nin satisfai.