Bipolaridade

Os colegas de culturagalega.org confirmárono hai unhas semanas: o termo Galicia aparece vinculado co oficialismo, coas institucións e nomeadamente co turismo (ante todo que os turistas non se vaian para a Galicia polaca) e Galiza pola súa banda ao asociacionismo, aos movementos civís e ao folk.
Mudarán as tornas nun par de anos? Seguiremos ao asexo, por de pronto quen nos ía dicir que a dualidade ía ser obxecto de chistes e grazas na mesmísima TVG e polo incombustible Morris? Ou que pasaría hai uns meses se unha presentadora de informativos lucise unha camisola co lema Regaliza?