Andazo ortográfico

Como moucho debería estar preocupado pola influenza aviaria que xa temos por terras vascas, mais ultimamente detecto outra que tampouco me chista moito. Coa reformiña ortográfica do 2003 a lingua estase a inzar de terminacións en -nza (e en menor medida en -zo). Na escrita e na fala, e a cousa non é allea nin aos mesmísimos profesores de lingua nin ás páxinas oficiais da Xunta. Por aí rulan influenzas de todo tipo, exercizos, tendenzas e mesmo desperdizos...
Moito olliño, por tanto, que ou se para isto ou mal pinta...