Fin de campaña

Remata a campaña e deus vaia con ela. Linguisticamente xa o Galicia hoxe se encargou de retratar os líderes hai uns días. Creo lembrar que un 6 para Quintana, un cinco para Touriño e un catro para Feijoo. Polo demais pouca presenza da lingua galega nos programas. O galego non dá votos ou cando menos non os atrae (o galego en todo substitúese nalgúns casos polo inglés para todos). Co urbanismo na boca de todos moita confusión entre solo e chan ao tempo que un descobre que o pleonasmo pór en valor cotiza en alza e promete chegar lonxe.
E o domingo, á noitiña, cos resultados quentes a facer todos xogos de lingua para disimular a derrota, engrandecer a media vitoria, facer comparanzas beneficiosas... Ninguén parecerá que perdeu. Todos parecerá que gañaron.