Galegolandia


Olladas con sorna, olladas con enfado, olladas ao exterior, olladas ao interior, olladas escépticas, olladas esperanzadoras, olladas que fan pensar, olladas para esquecer; olladas interrogantes; olladas declarativas; olladas exclamativas; olladas ao ar; olladas desde a terra; olladas de resignación; olladas de resistencia; olladas que non entenden; olladas que non se explican. Porque os “chascarrillos” son moitos e non todo vai ser perder falantes...

3.7.06

Máis sobre as opos e a lingua




As probas de acceso á función pública e o tratamento da lingua seguen dando que falar e moito que escribir no blogomillo. As pombas das que falaba o sábado confírmanme o xa dito: incumprindo xa non a Orde de convocatoria, senón a instrución ditada posteriormente, a petición expresa da lingua dos cuestionarios non era só para aqueles que o desexaban en castelán, senón para todo o mundo.
Como quere o descafeinado, de sobre ou máquina? Pois tal cal... Unha chapuza nas formas e un escándalo no fondo.
Outro dato: a lingua da speaker que lles daba as instrucións aos aspirantes (suponse que a presidenta dun tribunal), seica de vergonza allea e de xulgado de garda (non sei se contra ela ou contra quen lle expediu os diplomas de perfeccionamento e/ou linguaxe administrativa que seguramente posúe). Era incapaz de pronunciar as cantidades e os verbos compostos inzaban o seu discurso. Por favor repensemos o dos cursos...

Reprodución literal dunha pregunta do exame para subalternos:
21. O orzamento da Comunidade Autónoma:
a) O elabora, controla e aproba o Parlamento de Galicia.
b) O elabora a Xunta ou Goberno e as Deputacións Provinciais e o aproba o Parlamento de Galicia.
c) O elabora, controla e aproba a Xunta de Galicia.
d) O elabora a Xunta ou Goberno, e o aproba e controla o Parlamento de Galicia.
Pero estes de San Caetano non tiñan un tradutor automático ben xeitoso? (cónstame que aberracións coma esta non as comete). A pregunta en si sería impugnable por incorrección lingüística? Por certo, aínda que para o tema que nos ocupa é o de menos, a resposta correcta é a d).
Ligazóns onde falan do mesmo:

1 Comments:

  • unha vergonza. despois a culpa tena a escola, témola todos e todas quen fomos alí e non pedimos o exame en galego.
    nun tribunal da selectividade o presidente preguntou en castelán, hay alguien que quiera el examen de filosofía en gallego , esque vienen en hojas separadas y así lla no lo repartimos." pois media clase ergueu a man. así había ser aí tamén e outro galo nos cantara.

    By Anonymous Anónimo, at 11:52 da tarde  

Publicar um comentário

<< Home