Galegolandia


Olladas con sorna, olladas con enfado, olladas ao exterior, olladas ao interior, olladas escépticas, olladas esperanzadoras, olladas que fan pensar, olladas para esquecer; olladas interrogantes; olladas declarativas; olladas exclamativas; olladas ao ar; olladas desde a terra; olladas de resignación; olladas de resistencia; olladas que non entenden; olladas que non se explican. Porque os “chascarrillos” son moitos e non todo vai ser perder falantes...

4.6.07

Unha vergonza



Un ano máis oposicións e un ano máis o galego nas oposicións unha vergonza e o curioso é que apenas está a ter repercusións. Coméntanme que está a ocorrer nas do Sergas: cando non hai preguntas no exame de galego co enunciado incorrecto, hainas con máis dunha resposta atinada posible... por non falar das cautelas que se toman os tribunais advertindo, antes de comezar os exames, que en caso de dúbida ou discrepancia o que prima é a versión castelá.


Así, cando todo está en xogo, quen vai optar pola versión en galego?


Un escándalo, unha vergonza e ninguén di nada.

1 Comments:

  • Por non falar das probas de informática. Os enunciados das preguntas refiren comandos e opcións de menú que son a tradución literal e ad hoc do redactor dos prgramas para Windows en castelán, non da tradución oficial ao galego pagada pola propia Xunta.

    Así, quen carallo vai querer practicar ou ir ás academias a aprender coa interface de galego para windows e office instalada no seu PC?

    De pena.

    By Blogger Calidonia, at 10:15 da manhã  

Enviar um comentário

<< Home